ہڈیوں کے لیے کارگر غذائیں
ہڈیوں کو مضبوط بنانے کے لیے آپ کو کیلشیم اور وٹامن ڈی سے بھرپور غذا کا استعمال کرنا چاہیے۔ آپ ان قدرتی چیزوں کو اپنی خوراک میں ضرور شامل کریں۔
کیلشیم ہڈیوں کو صحت مند اور مضبوط بنانے کے لیے بہت ضروری ہے۔ جسم میں کیلشیم کی کمی کی وجہ سے کئی بیماریوں کا خطرہ ہوتا ہے۔ خاص طور پر خواتین میں کیلشیم کی کمی زیادہ ہوتی ہے۔ وہ خواتین جو بچے کو دودھ پلاتی ہیں اور 40 سال سے زیادہ عمر کی خواتین میں اکثر کیلشیم کی کمی ہوتی ہے۔ عمر کے ساتھ ہڈیاں کمزور ہوجاتی ہیں۔ ایسی حالت میں جسم میں کیلشیم اور وٹامن ڈی کم ہونے لگتا ہے۔ کیلشیم کی کمی کو پورا کرنے کے لیے وٹامن ڈی بھی ضروری ہے۔ وٹامن ڈی، کیلشیم کو جذب کرنے کے لیے ضروری ہے۔ آج ہم آپ کو ہڈیوں کو مضبوط بنانے کے لیے کیلشیم اور وٹامن ڈی سے بھرپور غذاؤں کے بارے میں بتارہے ہیں۔ آئیے جانتے ہیں۔ان کھانوں سے ہڈیوں کو مضبوط بنائیں۔
1- ڈیری پروڈکٹس: کیلشیم کے لیے آپ کو کھانے میں دودھ، دہی، چھاچھ، پنیر اور انڈے جیسی چیزیں ضرور شامل کریں۔ روزانہ ایک گلاس دودھ پی کر آپ ہڈیاں مضبوط بنا سکتے ہیں۔ دوسری جانب دہی میں پائے جانے والے اچھے بیکٹیریا معدے اور جسم کے لیے بہت سے فائدے لاتے ہیں۔
2- انڈے: ہڈیوں کے لیے آپ کو کھانے میں انڈوں کو ضرور شامل کرنا چاہیے۔ انڈوں میں پروٹین، کیلشیم اور وٹامن ڈی پایا جاتا ہے۔ اس کے علاوہ انڈوں میں بہت سے دیگر غذائیت بھی پائے جاتے ہیں جس کی وجہ سے ہڈیاں مضبوط ہوتی ہیں۔
3- خشک میوہ جات: ہڈیوں کو مضبوط بنانے کے لیے آپ کو خشک میوہ جات جیسے بادام، اخروٹ، کاجو کو شامل کرنا چاہیے۔ گری دار میوے میں کیلشیم اور پوٹاشیم وافر مقدار میں پایا جاتا ہے۔ بادام میں وٹامن ڈی بھی ہوتا ہے۔
4- گڑ: گڑ سے آپ ہڈیوں کو مضبوط بنا سکتے ہیں۔ کوشش کریں کہ خوراک میں چینی کے بجائے گڑ کا استعمال کریں۔ گڑ میں کیلشیم اور آئرن دونوں پائے جاتے ہیں۔
5- کھٹّےپھل- ہڈیوں کو مضبوط بنانے کے لیے آپ کو کھٹّے پھلوں کو خوراک میں شامل کرنا چاہیے۔ سنترے وٹامن سی اور ڈی سے بھرپور ہوتے ہیں۔ وٹامن سی مضبوط ہڈیوں کے لیے بھی ضروری ہے۔ وٹامن سی ہڈیوں کے ٹوٹنے کا خطرہ کم کرتا ہے۔
6- گرین بیِن: ہڈیوں کو مضبوط بنانے کے لیےگرین بیِن کھائیں۔ گرین بیِن میں وٹامن اے، سی،کے اور فولک ایسڈ پائے جاتے ہیں۔ اس کے علاوہ گرین بیِن، پروٹین، آئرن اور زنک کا بھی اچھا ذریعہ ہیں۔
7- کالے چنے: کالےچنے میں کیلشیم ہوتا ہے۔ آپ بھنے ہوئے کالے چنے کو کھانے میں شامل کر سکتے ہیں۔ چنے کھانے سے ہڈیاں مضبوط ہوتی ہیں۔کالے چنے میں آئرن بھی وافر مقدار میں پایا جاتا ہے۔
8- مشروم: مشروم میں وٹامن ڈی کی مقدار بہت زیادہ ہوتی ہے۔ اس کے علاوہ مشروم میں بہت سارے غذائی اجزاء، وٹامن بی اور کیلشیم بھی پائے جاتے ہیں۔